ghazal

dilshadnazmi


yehi bahot hai andhero'n se dushmani ke liye
ke ik chiraagh jala lijiye kisi ke liye

tasl_liyaa'n tou na do aaney wale kal ki hamein ,
hamre paas tou kuch bhi nahi abhi ke liye

bas eak bhool huwi thee shareer lamho'n se
phir imtehaan khad>ha ho gaya sadi ke liye

sabhi sifaat ussi rab_b_e_kaenaat ki hain ,
hai aajzi ki sifat sirf aadmi ke liye

sawal poochti aankho'n ne jab kiya rukhsat
bahot se ashk duwa go they wapsi ke liye

kuch iss tarah huwi taqseem zindagi dilshad
kisi se wada kiya thaa , kati kisi ke liye